KIREHE: ABAYOBOZI BATANDUKANYE BASHINZWE UBUHINZI MU KARERE, BIFATANYIJE N’ABAHINZI MU MUGANDA KURWANYA NKONGWA IDASANZWE.

Ni kuri uyu wa 23 ukwakira 2019 ubwo abahinzi bibumbiye muri koperative COVAMIS bahinga mu cyanya cyuhirwa cya Nasho1(GFI Kirehe) gicungwa na HoReCo  bazindukiye mu muganda wo kurwanya  nkongwa idasanzwe bafatanyije n’inzego zitandukanye zirimo ubuyobozi bwa koperative,ubuyobozi bwa RAB station ya Ngoma,Umurenge wa Mpanga ndetse n’akarere ka Kirehe. Umuganda ukaba warakorewe mu bice bibiri (2) bitandukanye bigize icyanya cya Nasho1(Lot1&3)

Abayobozi batandukanye barebwa n’ubuhinzi bifatanyije nabahinzi mu muganda wo kurwanya nkongwa idasanzwe

Mbere yo gutangira gutera umuti abahinzi babanje gusobanurirwa uburyo bwose bukoreshwa mu kurwanya nkongwa maze berekwa uburyo bwo kuvanga umuti n’amazi hakoreshejwe igipimo nyacyo.

Agoronome wa HoReCo yabanje kwereka abahinzi uburyo bwo kuvanga imiti
Mu matsinda atandukanye abagoronome ba HoReCo berekaga abahinzi uburyo imiti igiye guterwa ivangwa

Nyuma y’aho,abahinzi batangiye igikorwa cyo gutera umuti wo kurwanya nkongwa idasanzwe mu mirima yabo.

Nyuma yaho,abahinzi binjiye mu gikorwa
Abahinzi batera umuti mu rwego rwo kurwanya nkongwa idasanzwe
Abayobozi batandukanye nabo bafashije abahinzi mu gutera imiti

Nyuma yo kwifatanya n’abahinzi mu muganda wo kurwanya nkongwa idasanzwe,umuyobozi wa RAB ishami rya Ngoma yahaye impanuro abahinzi cyane cyane abakangurira gukomeza kwita  no gukurikirana ubuhinzi bwabo  cyane cyane bakumira nkongwa  kugirango bazagere ku musaruro wifuzwa.

Nyuma y’umuganda,abahinzi bagiriwe inama zitandukanye.

You may also like...

Leave a Reply

Your email address will not be published. Required fields are marked *